Fa ja mai d’un mes que sèm dintrats en cors ! Pas
possible ! A que lo temps vira lèu !
Es pro luènh lo temps
ont anèri al esquí per las vacanças de Nadal. Es pro luènh lo temps ont avià la
cara de Scaface (coma mon amic Uc lo bravet me disià). Es pro luènh lo viatge
en Irlanda…
Cliff of Mohers
Lo viatge en Irlanda, qual aventura ! Avèm afrontat los
elements : lo vent, la pluèja, la calor (e òc es pas una galejada !)
e mai una brofoniá (non aquò es un pauc marselhès). Vertadièrament m’a fa de
ben de partir en viatge per se copar un pauc del monde. De veire de paisatges
fabuloses coma lo del « Cliff of mohers » o encara la region dels
lacs del Conemara !
Cliff of Mohers
Francament èri un pauc ansiosa d’ausir los Irlandès
parlar (perque lo monde dison que se compren pas), e foguèri una bona sospresa
de los comprendre. Trapi que se compren mai que los Inglès perque an un accent
procha del nòstre. Avèm rescontrats de monde veraiament chaluroses, que vos
ajudan quora o cal. Per exemple, un jorn, sèm partidas (Nadège e ieu) far una
caminada entre un villatjòt que se sonna Letterfrack e una abadiá (Kylemore Abbey).
Sèm partidas de pès del villatge per y anar, mas çò qu’aviam pas previst èra lo
temps… Fasiá de pluèja, de pluèja que s’arrestava pas jamai ! Aprèp 4km (çò
qu’es pas grand causa) e una ora e mièja de caminada (çò qu’es pro !) sèm
arribadas a l’abadiá. Per pas morir de frech, avèm manjat un « brunch »
tipicament Irlandès e aprèp avèm fach la caminada alentorn de l’abadiá. Lo
problemas èra per dintrat al villatge, qu’avian un bus a siès ora mas podiam
pas i anar a pès, i aviá una pluèja diluviana ! Es un dels emplegats que
nos a tornadas en veitura al villagte. Era tot content d’o far.
Kylemore Abbey
 |
| Estadi de rugby Aviva Stadium |
Avèm fach tanben una pichòta visita de la capitala, Dublin.
Avèm visitar l’estadi de rugby qu’es gigant ! Avèm fa lo torn del vièlh
barri amb los collègis e las glèsias. Avèm trapat un restorant auvernhat, que
fa de causas deliciosas coma de fromatge als èrbes e de salada acidulada. E avèm
fa (Viatge en Irlanda obliga) un torn e un tèst dels « pubs » de la
vila !
Ai pas cap de regrets d’aver far aquel viatge, o vos
conselhi a totes perque es un pais subrebèl e que los gens son aculhents,
totjorn pres a vos ajudar !
